كلمات الشاعر / هشام الحبشى
جدع يا باشا ضربتنـــــى
من ضى عينى حرمتــنى
و نسيت يا باشا انى بطل
عمر الرصاص ما يهزنى
اضرب وركز فى النيشان
... افرح قوى انك جــــــــبان
صاحبك فى سينا راح شهيد
وانت بتتدارى فى حيطان
فكرك يا باشا انى بشوف
عشقى لبلادى بالعنيـــن ؟؟
وكلاب سعادتـك لو الوف
راح يمنعوا حلم السنين ؟؟
انا جيت هنا علشـــان بلد
وتار شهيد و دموع ابـوه
وحلم بكرة بيتــــــــولد
وطن حلفنا نرجعــــــوه
لو من عنيا النور خمــد
ملايين بدالى حيشوفه
اضرب يا باشا اضرب كمان
و اطلق ديابتك فى الميـــدان
قبلك كلاب هاصـــــت نباح
واهى قاعده تبكى فى اللومان
اضرب كمان تسلم ايديــك
ملعون ابوك و اللى حاميك
ملايين فى مصر بيهتفــــوا
يا باشا اهوه .. اتفووووووووووووووووووه عليك
القصيدة عالية من تأليفى و مسجلة باسمى و منشورة على صفحتى الخاصة على الفيس بوك باسم الشاعر / هشام الحبشى .. لذا يلزم التنوية و التصحيح
ردحذفانا بعتزر لحضرتك جدا لان فعلا احد الاشخاص هو اللى بعتهالى وحتى انا دورت على المؤلف الاصلى عشان اكتب اسمه ومقدرتش اوصل لحاجة وتم التصحيح ووضع اسم حضرتك
ردحذف